فاطمة مصطفى

المدرسة بالنسبة ليا كانت تجربة مختلفة عن أي كورس أخدته قبل كدة.. في الأول مكنتش فاهمة أوي دور المحتوى والتسويق في منظومة البيزنس ككل، لكن لما اتعلمنا أساسيات البيزنس وفهمنا الربط بينهم، شوفت تطور في أسلوب تفكيري عن قبل كدة وأنا بكتب أي قطعة محتوى. ومن أكتر الحاجات اللي فرقت معايا جداً: • الـ Case Studies الواقعية اللي الكوتش فاطمة كانت بتحكيهالنا من خبرتها العملية • التطبيق العملي وقت المحاضرة، واللي كان مختلف عن اللي متعودة عليه لأن كل محاضرة كانت بتتشرح من منظور عميق ومختلف، خصوصاً في أجزاء زي الـ Market & Marketing Research، الـ Strategy، والـ Campaigns وايه الأسرار اللي بتنجّحها • الفيدباك المفصّل والمتابعة البرايفت من التيم. • بالإضافة للمحاضرات الإضافية اللي الكوتش كانت بتقدّمها لينا.. واللي فرقت معايا كتير فـ أنا طلعت من المدرسة بـ Mindset بتتعامل مع المحتوى كجزء أساسي من منظومة البيزنس والتسويق.🤍

انا حقيقي استفدت جدا من المدرسة ولميت فيها كل حاجه بما اني اخدت دبلومة وكورس بردو معاكي قبل كدا بس المدرسة كانت تحفه وحاليا لما بطبق بنبهر كل مرة اني بقيت اعرف ابحث واحلل ودا بفضلك وفضل معلوماتك بجد دا غير المتابعه والتقييمات بجد ربنا يجازيكي عننا خير💗🫂

دراستي للتسويق وكتابة المحتوى مع الكوتش فاطمة كانت من أروع تجارب الكورسات التي أخذتها في حياتي، وذلك لعوامل عديدة تشمل التنظيم في الجلسات الذي يجعلها قابلة للتطبيق العملي، وجودة المجتوى المقدّم في الجلسات، والتجارب العملية التي تعرضها الكوتش، حتى لا يُفاجأ المتدرب فيما بعد بسوق العمل، وذلك كلّه يأتي نتيجة لجمال روح الكوتش فاطمة وطريقتها السلسة في إيصال المعلومات، كل الشكر للكوتش ولكل الفريق المميز في المدرسة.

بشكر كوتش فاطمة على الاستفادة من الكورس اللي كان شامل كل شئ ف سوق العمل وقيمته اكبر بكتير من اي مقابل مالي و طول مدة الكورس كان التأثير إيجابي جدا ف شغلنا و تطور ممتاز جدا و كان التطبيق العملي ف كل المحاضرات نادر لما يكون ف محاضرة مفيهاش تطبيق و اكثر من محاضرة تم إضافتها للكورس علشان نستفاد اكثر ودي حاجها بنشكرها عليها جدا و طبعا ف تيم ممتاز متعاون معانا و بيرد على الاستفسارات و يتابع معانا عطول و اي شخص حابب يطور نفسه ف الكونتنت لازم ياخد خطوة و برشح ليه الكوتش فاطمة و دا من خلال تجربتي معاها لمدة ٧ شهور دايما بترد على اي استفسار سواء برايفت او من خلال الجروب

مش عارفة أبدأ منين، بس حابة أقول إن تجربتي في التدريب مع فاطمة مصطفى عمومًا و CMW School خصوصًا، كانت من التجارب اللي فرقت معايا فعلًا. أكتر حاجة حبيتها إن الموضوع مش مجرد معلومات بناخدها وخلاص، لكن فيه تطبيق، ومراجعة، ومحاولة إننا نفهم إحنا بنعمل إيه وليه، وده فرق معايا في طريقة تفكيري وشغلي. وفاطمة من الناس اللي واضح جدًا إن عندها شغف باللي بتقدمه، وبتبذل مجهود حقيقي في إنها توصل المعلومة وتساعدنا نتطور، والمدرسة كمان ليها دور كبير في التجربة دي؛ شرح وتطبيق ومراجعة، ده في محاضرة مراجعة خدت ٨ ساعات، مشفتش الشغف ده بالتدريب عند حد زي فاطمة حقيقي. طبعًا لسه بتعلم ولسة قدامي كتير، بس مبسوطة إني خضت التجربة دي، وممتنة لكل معلومة ولكل فرصة اتعلمت فيها حاجة جديدة أو اكتشفت إني محتاجة أشتغل على نفسي أكتر. فقرة أنا والعميل، الجوكر، نوعية الامتحانات، كنت بحس فاطمة بتتقل بيهم خبراتها العملية كلها بدون ما تخبي عننا حاجة، كانت عايزة فعلا تطلع كوادر كويسة من تحت إيدها، وكانت حريصة إنهم يطلعوا بقيمة علمية، مش بتدي معلومة وكل واحد حر في نفسه بقى، لأ.. في اهتمام وتقدير للمجتهد ومراعاة للظروف، عندها استعداد تدي طول الوقت، وكمان بتقدم خصومات كبيرة بتوصل ل ٥٠٪، أنا أعلى نسبة بشوفها ٣٠٪، وغيره وغيره كتير بجد. شكرًا يا فاطمة إنك أستاذتي وإني اتعلمت واتدربت على إيدك، أنا فخورة إني تقريبًا خدت كل خدماتك التدريبية، شكرًا ليكي ، وشكرًا لكل القائمين على المدرسة، ربنا يبارك في علمك ومجهودك وينفع بيكي يا رب💜

لو حد سألني إيه اللي اتغير فيا بعد 6 شهور في مدرسة المحتوى ، مش هعرف أختصر الإجابة في إني اتعلمت أكتب محتوى أحسن ، لأن الموضوع كان أكبر من كده بكتير! أنا دخلت المدرسة وأنا عندي شغف بالمحتوي عموماً ، بس كنت محتاجة أفهم المجال بشكل أعمق ، وأعرف إزاي احول شغفي ده لمهارة حقيقية أقدر أشتغل بيها وأطور نفسي فيها وأكتر حاجة مميزة في التجربة بالنسبالي كانت طريقة فاطمة في شرح وفهم البزنس والتسويق والمحتوى ، والربط بينهم كمان اتعلمنا إن المحتوى مش مجرد أفكار حلوة أو كتابة تشد عيون الناس ، وإنك قبل ما تفكر ف هتكتب إيه ، لازم تفهم البزنس نفسه وأهدافه والجمهور اللي بتكلمه والمشكلة اللي بتحاول تحلها .. وإن كل قرار بتاخده في المحتوى لازم يكون ليه سبب ، مش مجرد إن الفكرة عاجباك أو شايف إنها ممكن تجيب ريتش وخلاص طريقة الشرح نفسها كانت من أكتر الحاجات اللي فرقت معايا .. كنت بحب إزاي فاطمة بتفكك الموضوع ، وتخلينا نفهم المنطق اللي وراه ، وتربط المفاهيم ببعضها بدل ما نتعامل مع كل جزء كأنه حاجة منفصلة .. وده ساعدني أبص للمحتوى والتسويق من منظور أوسع ، وأفهم إن كل حاجة مرتبطة بالتانية. كان في تاسكات باستمرار ، وده خلانا نطبق اللي بنتعلمه بشكل عملي .. وده من أهم أجزاء التجربة بالنسبالي ، لأن فيه فرق كبير بين إنك تفهم المعلومة وإنت بتسمعها ، وبين إنك تحاول تطبقها بنفسك وتكتشف إيه اللي لسه محتاج تشتغل عليه ومينفعش أتكلم عن التجربة من غير ما أشكر التيم كمان ، لأن وجودهم معانا ودعمهم المستمر كان فارق اوي .. كانوا دايماً موجودين ، بيردوا على أسئلتنا ، وبيساعدونا لما نقف قدام حاجة مش فاهمينها ، وده خلي تجربتنا كلنا أسهل بكتير. وعلى المستوى الشخصي .. المدرسة جت في وقت كنت فيه بعيدة عن نفسي وعن حاجات كتير بحبها ومع الوقت بدأت أرجع أكتب وأقرأ وأخطط لأفكاري وأجرب حاجات جديدة. ف أنا ممتنة جداً للتجربة وللمجهود اللي اتبذل فيها ، ولطريقة فاطمة في تقديم المحتوى وربطه بالبزنس والتسويق ، وللمساحة اللي خلتنا نتعلم ونطبق ونكتشف نقاط قوتنا والحاجات اللي محتاجين نطورها وأخيرا .. حابة أقول إن فاطمة مش بس بتقدم تدريب كويس ، لكن عندها خدمات وتجارب فعلاً تستاهل ، والكمية والقيمة اللي بتقدمها مش حاجة سهلة تلاقيها عند أي حد ف أنا عن نفسي بعد التجربة دي .. لو فاطمة أعلنت عن أي حاجة جديدة ، هبقى من الناس اللي مهتمة تعرف تفاصيلها وتشوف هتقدر تستفيد منها إزاي ، لأن أنا جربت بنفسي وشوفت اد إيه هي بتدي من علم ومجهود وخبرة كبيرة جداً ف شكرا ل فاطمة على ال 6 شهور دول ، وعلى كل حاجة اتعلمتها خلالهم وشكراً لكل التيم على دعمهم ومساعدتهم ووجودهم معانا طول الرحلة💙..

"صدقوني قدام هتدعولي لما تخرجوا لسوق العمل" دي الجمله اللي كوتش فاطمه كانت دايما بتقولها في اول دبلومة اخذها معاها من أربع سنين، كنت لسه ساعتها ببدأ في المجال، وحقيقي كان من اكتر القرارات الموفقة اني ابدأ مش شخصيه بشطارة وخبرة وتفهم كوتش فاطمه لأنها مش بس اديتني ماده علميه، هي كمان ادتني خبرة وتدريب وحاجات تانيه كتير ساعدتني ابدأ شغل من قبل حتى ما اخلص الدبلومه بفضل الله وفعلا زي ما قالت بدعيلها كتير جدا جدا لانها قصرت عليا مسافات ووقعات كتير كان ممكن اقعها اول ما دخلت سوق العمل 🤍

هو ده مش مجرد ريفيو أو فيدباك ده كلام من القلب بجد ❤️ سعيد جدًا إني اتشرفت بكوتش فاطمة وحسيت قد ايه انها بتحاول تساعدنا ويكون في وعي بجد كانت فوق كل التوقعات بجد كلمة شكرا مش هتقدر توفي كل اللي عملتوه من أول التنسيق لحد المتابعة والاهتمام بكل التفاصيل كل حاجة كانت ممتازة جدًا 👏 ربنا يوفقكم دايمًا، ويكتب لكم النجاح والتقدم في كل خطوة ❤️ سعيد جدًا بيكم